Skip to main content

Kût (kut leh kut phuahchawp)

  Hman tin hian Hunpui an nei a, Hmasang kan pi leh pu te pawh in Hun pui pawimawh pathum an nei a, Pawl Kut te, Chapchar Kût te, Mim Kût te a ni. Heng Kût te hi lawm dan hman dan hrang a ni hlawm vek a.  Chapchar kût hi hman Ropui leh lawm nasat ber a ni țhin, Nula tlangval, tar leh Naupang chen in an kim a.

  Mim Kût hi Mitthi te pual a serh a ni a, Miitthi te tan a thlai chhiah a ni țhin...Pawl Kût hi Naupang Pual a hman a ni a, Artui duhtawk a ei a, a hnu ah țhiante an barh țhin a ni
  Kût hi hlimna leh lawmna aia ril Sakhua biakna hi a tel hi a pawimawhna leh Ropuina a  ni, Puithiam te Rawngbawlna pawimawh tak inthawina, serh leh sang te hlan na a ni țhin.Kan pipu te kha hnam bil a sakhaw nei an ni a, khawtlang ah hnam khat angin awm mahse, hnam bil in sakhua an nei a, biak dan , hman dan an nei hrang a, Puithiam pawh an nei hrang țhin.
  Kristian-na ah chuan hnam bil a sakhaw biakna a awm tawh lova, rinna chuan unauna a siam ta a, zalen takin Rinna hmun khat kalphung khat a in chhungkhawm te chu Kût hman ho a ni tawh zawk a ni. sakhaw biakna hunpui, rilru leh taksa, thlarau thleng a awmze nei a ni a, hman dan a zir a, hlawk leh chànna nasa tak a ni thei a ni.
  Kristianna vang a zalenna kan neih hian Ramhuai hlauhna a bo a, Setana biakna leh Pathian awm ring lo te an lo awm phah ni in angaih theih.....
Kut hian Kristian na kawng ah thilțha a thlen kher lo. Chutih rual chuan sakhua na a dal tawlh tawlh a, Kut ah chuan chanvo mak tak, lansarh châk ni awm takin khual zahawm te an phuahchawp a, Kut phuahchawp lutuk, anthurium festival, thal favang kût, bawkbawn kût, sawhthing kût a lo piang ta nawlh nawlh mai..!
Pawl Kût thla a lo zo ta a, tumah pawl kût hmang awm an awm lo a nih hmel e..Kut tlawm tak, Naupang pual a Kût hi kan hlamchhiah a, a aiah Kût țenghneng tak hming awmze nei lo, lawm in kan ram a lo kal lui ngut ngut chhung chuan kan va bo rei dawn em...
Zofa te tan Kut awmzia leh hlutna hre thar in Kût awm sa hlut in, phuahchawp te hi chu Kût ti lo in hming dang phuah ni se a țha lo'ng maw....??
Labels:

Comments

Post a Comment

Popular posts from this blog

Mizoram a Thing chi hrang hrang te

Kan Zoram ah hian Thing chi hrang tam tak a awm a. Ramdang thing chi hrang hrang lak luh a ni a, Hei hian kan ram leilung an ei chhe nasa in kan la tawrh phah a hlauhawm em em a ni...Kan ram thing leh thei te hi hlut in Duat i la, Par a chhuang ngei ang Zofa - Nang leh kei tan 1. Thing eitur lam chi; Bil, CH engkek, Hailungmawl, Hreirawt(Zathu), Kawrthindeng, Keifang, Khawmhma, Kumkhal, Lenhmui, Luakthei, Lumler, Pangkai, Reraw, Sunhlu, Tatkawng, Theichhawl, Theihai, Theifeimung, Theipaphuan, Theipalingkawh, Theipui, Theisakhi, Theikawrak, Theiarlung, Theikawkham,  Theitat, Theitit, Theiria, Tuaihabet, Tuaithleng, Theikelek, Vawmva, Zawngbalhla, Zawngbiang Khawkherh, Thakthing, Then, Thingsia(Thingse mim), Khaukhim, Thingthupui, Zawngṭah, Khanghu, Saisu, Thingfanghma 2. Hmanrua atan a hman chi te; Bul, Buleng, Bungbutuairam, CH ar, Far, NG anbawm, NGiau, Herhse, Hriangzau, Khawreng, Khiang, Lawngthing, Lenlang, Lungli. Mukpui, Pualeng, Sahaṭah, Ṭekem, Thingri...
14 comments
kimchang zawkin...

hlawh, hloh, hlauh. thlauh Thloh, thlawh.

Mi hna kan thawh a, thawh man thil eng emaw min pek hi hlawh a ni Thil kan tih bo a kan hmuh tawh loh hian Hloh a ni. Hlawk lo hi hloh chu a ni(lose/lost) Hmel leh ri danglam, tiril a mi man te ang hi Kan lo hlau a, chu chu hlauh na a ni. Rin loh taka thil lo thleng thut te hi Hlauh tih a ni bawk( adv ) min pe hlauh mai   Thil kan kut a ṭanga tla emaw, ipte emaw kan thil neih kan hnen a ṭang tla hi Thlauh a ni Sava  Thing nget ei ṭhin, a hmui a thing chuk a, ker/kher kua a Thing-nget ei ṭhin leh a no awm a tur ker kaw ṭhin hi Thloh a ni Thil phek eng eng emaw Asir zawng/a saisir zawng a theh/vawm hi Thlawh a ni Mizo ṭawng a thumal te hi hman pawlh chi a ni lo, mahni ṭawng humhalh hi Hnamdang mawhphurhna a ni lova, Hnamdabg ṭawng humahalh lah kan ba hek lo
Post a Comment
kimchang zawkin...

Hlauh, Hlawh, Hloh Danglamna te

Hlauh : Vanneihna thil sawina & Hlau sawina Entirna : Hna ka hmu  hlauh mai, Nizan a Ka                        Mumang ka hlauh zia chu Hlawh : Lawmman, hnathawh man, tha man Entirna : Vawiinah ka inhlawh a, Cheng 450 ka hlawh . Hloh : tibo, hmu lo, chân Entirna : Vawiin chu cheng 200 ka hloh,               Vawiin chu ka inhloh nasa hle mai Hlauh tih te, hlawh tih te, hloh tih te hian awmze hrang a nei vek a, hman pawlh chi a ni lo. Hlawh leh Hloh phei hi chu a in ang lo zual.  In hloh leh inhloh hi hlauh tur a ni. In hlawh leh inhlawh te hlawh te hi chu hlauh tur a ni lo..   in leh hlawh/hloh/hlauh khi kan ziah hran chuan in tih khi Chenna In sawina a ni. In hlawh chu hlawh ṭha tak a ni a, in hloh chu in kha miin an neih sak emaw a kangral emaw tihna a ni. In hlauh chu awmzia a nei vak lo, a in kha hlauhawm ni ta se chutiang vel chu a ni. Khawiah emaw i...
Post a Comment
kimchang zawkin...