Zoram Hun tawn tur Hrilhlawkna leh Puan chhuah te

ZAWLNEI SAIKHUMA :

Khawchhak atangin ‘HNAM KAWLH’ an lo kal ang a, in Ui leh Ar, ei theih thil zawng zawng an ei buan buan ang. Sakhaw nei lo an nih avangin engmah pawisak an nei lo ang a, in hmeichhiate an pawngsual mai mai dawn a ni. Nimahsela, LALPA-A INNGHAT TLATTUTE chuan lo hlau suh u, an tipawi lo vang che u. Kan ram thianfaitute an ni e.

PU CHAWNGKHUPA :
Ngawi teh u, nizan chu ka mumang niin ka hria, thenkhat chuan ‘Inlarna’ an ti ang. Khawchhak lam atang khian ‘ZAWNG HMAISEN’up lo km hi lei vang dapin an lo chhuk thla chiam mai a, an vir em em a, ei tur reng reng hi an ei duak duak mai a, ka kuta ei tur ka ken pawh chu min dil zel mai a

PASTOR CHHAWNA :
He hunah hian kan ram chuan hmai fel tak, hmel li a nei tawh ang. *KHAWCHHAK DIAR KHIM* leh Khawthlang diar khim hnuaian kan ram a lut dawn ngei a, chumiah chuan kan ram chu hmel fel liah puin a talchhuak dawn tih ka nghak reng a ni. Zoram, i ke chu Lalpa chungah nghat tlat rawh!

PASTOR DARAWIA :
Saisihchhuah-ah hian indona rapthlak tak a la thleng ang a, Saisihchhuah hi thisenin a bual dawn a ni!”

Chhimtuipui kam, Saisihchhuah hi min entir a. A kam thing zawng zawng chu a lo kawlh zo vek a. Bomb te, silai tea kah vang a ni. Mi ruang leh thisen chu a lo awm put mai a, rapthlak ka ti em em a!

Sangau-ah Jeep kawng an la lai ang, Supply Centre pawh a awm bawk ang. Sangau atangin Saisihchhuah chu kawngin a chhun ang a, Haka atangin an rawn thleng ve ang. … Chutichuan, hei hi hre rawh u: Sangau leh Saisihchhuah-ah sipai an lo awm chuan niin chhiar la, ni tam i chhiar hman lo vang, indo a ni nghal ang. Aw Zoram, i Pathian tawk turin inpeih rawh!

PU VAWMPHUNGA :
In vela hnamte hi ka insualtir ang a, nangni chu ka hung chhuak mai dawn che u a ni. Chutiang chu hnam thar ka lakchhuah dan a ni si a, in aia hnam ropui zawk pawh in chhang dotuah ka hmang mai thei e.

ZAWLNEI SAIKHUMA HNENA LALPA HRIATTIRNA THEN KHAT TE :

Zoram la chhuaktu turte chu khawchhak lam atangin an lo ut dawn a. Mizoram chhim lam atangin an lo lut bawk ang.

Khawchhak diar khim an lo kal ang a, kan ram leilung hi an rawn thian ang. Kan Zoram hi reilo te an awp ang.

Chakma te, Vai te leh Mizo ni lo hnam dangte hi China ral hian an dim dawn lo!

Lalpa malsawm ramthar lo thleng tur dodaltute hi Lalpan a thianfai dawn a. Hmun thuma thena hmun hnih kan thih a phal dawn. Kan thi puk puk dawn a ni. Chuvangin, Pathian thu zawm ula, fimkhur rawh u. Jerusalem thar hi a lo thleng dawn a ni!

He Thim Thuah Hnihna hi pumpelh emaw, paltlang theihna emaw kawng khat chauh a awm a, chu chu Lalpa-a a tak taka in nghat tute chauhvin he Thim Thuah Hnihna hi an paltlang ang.

RAM LEH PATHIAN INKAR  -  TLUK SAN NA

1. Zoram sualna hi a nasat tawh em avang leh ramin Pathian a helsana, a tluksan tawh  avangin Pathianin kan ram a hawisan ang a, kan ram leh Pathian inkar chu ‘Sakeiin mihring a seh’ ang hi a ni ang.

2. Kohhran-te hi Pathian Thlarau hruaina tel lo va an kal chuan ram chhiatna leh tlukna-ah mawh an phur ang. Thawhlawm thawh te, Kohhran pawl anga kal dual dual hian ram a siam tha pha lo vang.

3. Ringtu nung an vang hle ang.

4. Tun hi nuih hun a ni lo va, hlim hun a ni hek lo.

5. Zoram sualna hi a nasat tawh em avangin Pathian thinurna kan tawngbaw tawh a. Chuvangin Pathianin kan ram hi a thianfai dawn a ni. Tuman kan pumpelh dawn lo. Pumpelh tuma bihruk emaw, tlanbo tum emaw awm mahse, hriin emaw a umzui ang a, an thi tho tho ang.

6. Nimahsela, Pathianin Zofate hi a hmangaih em em si a, a hmangaihnain min tungding leh dawn a, khawvel hriatah min pholang dawn a ni.

7. Tuna pawimawh ber chu Thlarau dana awm hi a ni. “Lalpa hming lam apiang…” tih ang khan.

SANNIARA SAWI :  Mizoram Independent hmuh hun tur chu ram pathum, India, Burma, East Pakistan (Bangladesh)-a Mizote inzawmkhawmin zalenna an sual hunah ani ang.

1) Țanpuitu leh flag tunpuitu Sawrkar chu lukhum hring, arsi sen bel ani ang.

2) Ram pathum, India, Burma leh Bangladesh te lamlianin a pawh vek ang a, Indopui alo thleng ang.

3) Ringtu ni si piangthar lote chu Pathianin a thliar dawn a, thil rapthlak tak ala thleng dawn ani. Taksa leh thlarau mi tam tak chungah a thleng ang. Piang thar lo chu Lalpan a hum lovang. Hei hi Zofate chunga thleng tur ani.

4) Zofate zingah hotu leh hruaitu ni tur chuan mi piangthar an ni tur ani. Mi piangthar lo chuan ram leh hnam a hruai thei lovang.

5) He thuchah hi Zo hnahthlak zinga puang turin Lalpan mi tirh avangin ka puang ani. Mi tam tak piangthar lote thi tur chu mi hmuhtir a, ka lung a chhia a, ka țap zawih zawih a. Chutah, 'En leh rawh,' a ti a. Ka han en a, a makin a ropui em avangin van lam enin ka țap ta a. Ram tina awm Zofate kan inkhawm hun tur chu hun danglam tak ani dawn ! Mi tam tak tan LAWMNA, mi tam tak tan LUNGCHHIATNA alo la thleng dawn ani.

K THANSIAMA HMUNTHA SAWI :
Nakinah chuan China râl an lo lian ang a, lui luanna mumal nei lo ang hian an lo thawk ang. Mizoram chu an han thlîr ang a, China ho chuan, "Mizote chu an ngaihtuahawm lo, Communist an ni e, zirtir an ngai lo." an ti ang. Mahse, anni communist zirtirna leh keini zirtirna a in ang si lo, communist ang deuhin min ngai a ni.

China hian rei lo te min awp ang a, min kalsan leh ang.
China sorkar hi Mizoram independent kawng rawn hawngtu tur an ni.

In fate leh in tute hi Zoramthar chêntu turte an ni ang.

Mizoram hi kawng ṭha hlirin a la inpawh vek ang.

Ṭawi tlanga khawnvartui an laihchhuah hunah chuan Digboi khu a kang ang. Tah chuan hman sen rual lohvin a hawng ang.

Hmunṭha-a Pu K. Thansiama fapate nupa.....Pu Awia (81) leh Pi Khumi (79) te, 6th Dec. 2014 - a ka han kawmna-ah Zawlnei Thanchhuma thu sawi ṭhenkhat min lo hrilh bawk a, hengte hi an ni :-

Khaw dur thuah hnihna chu chhim lam atangin a lo let ang a. Kawngpui dung a vaivut ang a, Aizawl khawpui a vaivut vek ang. Zoram lailiah rial tla a sin deuh ang.

Kum khel kawn (Chhingchhip leh Hualtu inrinna) ah hian lungalhthei an la laichhuak ang.

Thim chhah zual chu thim tak a ni ang. Ni 2 emaw, ni thum 3 emaw a ni ang, a chhahzual lai tak tak chu. Lalpa ringtu tak takte chuan hlau reng reng suh u, in him vek ang.

A thim zualpui chhung chu ramhnuaiah te kan tlanlut ang a, Changel bul leh kamrah te, hnah nêmte kan ring ang. Mahse, lungawi takin, tui ti takin kan ei ang a, kan ṭhatpui ang. Ramhnuaiah thingbul pakhat pawh bel ila, Lalpa mite chu kan him ang a, Lalpa mi ni lo chu an thi tho ang

JAMES LALRAMLIANA SAWI :  James sawi dan chuan kan ramah thim thuah hnihna lo thlen hmain thlarau lama harhna nasa tak athleng ang a, chumi zawhah chuan THIM THUAH HNIHNA alo thleng ang. Pakhat chu INDONA avanga tawrhna hun thim.

Pahnihna chu LIRNGHING avanga tawrhna hun thim te a ni, hei hi thim thuah hnihna Lalpan min hmuhtir chu a ni tiin a sawi. James a chuan Indonaa sipaite hian atu lam lam pawhin min dim lo em em mai dawn a, zoram mipuiin kan tuar nasa hle dawn ani ati, jerusalem hual anih hun a, in sa seng athat ang bawk a, theih ang anga in sa seng athat arinawm ti lamin asawi bawk.

Luka 21 & 20 Thim thuah hnihna dang leh  chu Lirnghing hi ani. Pathian hremna vang pawh nivek bik lovin, kan ram leihnuai hausakna nasa tak phumrukte chu hai chhuah anih theih nan, kan ram leilung a insawi danglam vak dawn a, He lirnghing hi ana hle dawn a, tawrhna nasa tak athleng dawn ani. Hremna emaw tawrhna ringawt aiin, Ram leihnuai hausaknate hai chhuaha a awm theih nan ani ber tiin asawi.

Heng lo midang tam tak anla awm post sen ani lo, heti tak mai a kan hnam zawlneite leh Lalpa mi hman ten thimthuahhnihna leh zoramthar an puan fo avangin alo thlen ngei arinawm hle ani, ngun takin ngaihtuah ila, Dik takin Lalpa PATHIAN chuan a rawngbawltu, a zawlneite hnenah a thuruk hrilh lovin engmah a ti lovang.!

Amosa 3:7..

(He Thu hi Whatsapp Group a ka hmuh la chhuakin, ka han phochhuak pawp mai a ni e.)