Tui Renchem leh hman daihzai kan Mamawh

Kan nitin nun a Pawimawh em em mai Tui hi mamawhna a sang chho ta hle mai, Khua a ro chho zel a, Kum tin Lui tui a tlem zel niin a lang bawk a. Tlangram a cheng kan ni si a, Kan tui mamawh lakna hi kan Thli leh Bawlhhlawh te luan luhna kha Khawl leh tuidawt hmang a Hautak leh senso sang tak a lakchhoh a ni tih hi kan hriat reng a ṭul khawp mai

Tui renchem hi kan mamawh takzet ta a ni, Tun aia tui Renchem leh Hman daihzai dan kan thiam a hun ta takzet mai, Tui renchem tura Pawimawh em em chu Hman daihzai leh hman nawn theih tur a kan siam hi a ni tak zet ta a ni, Ram changkang leh Hausa takah pawhin Tui an renin an hmang daihzai a, an hlut em em a ni, chu chuan Tui harsatna leh hautak lutuk lakah an in chhanin an inchhawk em em a ni

Kan Tui hman dan tam tak, Kutsil, Hmaiphih, inbual, insuk tleuh, te hi chu Inthiarna tleuh nan khawl thei ila chu a duhawm hle mai. Thlengsil, Insuk, thawmhnaw sukna thli hmasa te hi thlai tui pek atan te khawl thei ila chuan duhthusam a ni.

Duhthu sam ta ila, Kan Zoram-ah hi chuan Sawrkar puihna hi rilruin han beisei deuh ila, Tui hman hnu Dahkhawlna Tuizem 500/1000 ltrs  leh a pump-na Khawlte leh a herhhaw theiha dahkanna leh Tuizem Litres 200/300  leh pipe te hi Subsidy te hian pe ta se a kan inchhawk dawn khawpin a rin theih. Hautak viau tur ang a ngaih a nih laiin a subsidy la thei tur chin hi thliar fel erawh chu a ngai ang.. Concrete in chhawng luahhawh tur a nei te pawhin in luah turah thil awm ngei ngei tur zingah telh ni bawk se..Ruahmanna ṭha leh kim neih a ṭul hle tawh a ni..

Hetia tui kan renchem theih chuan kan tui mamawhna tam tak hi min chhawk hle a beisei a ni, Tui renchem hi a hun hle tawh a ni.